باسم الجابري: أكتوبر 2012

الأربعاء، 10 أكتوبر 2012

أنا موافق ... لسان حال ساسة اليوم




انا موافق ..
لا اعلم عن اي شيء اوافق ..
أعلى غسل الصحون ..؟؟
أم على مسح المرافق ؟؟
أم على قتل المساكين أُصادق؟؟
لا يهم ..إنّما اني موافق ..
على ما تريدون أوافق ..
فانا ظهري تحت بطن الكل لاصق
وانا في خدمتكم دوما منافق
أحتسي من خمركم ..
فهل من المعقول اني لا اوافق ؟
انا عبد من عبيد العمِّ سام
ولحم اكتافي ودمي والعظام
كله من خمر اعمامي الكرام
قد شربت الكفر والالحاد والموت الزؤام
وحملت الحقد مذ خمسون عام
ثم عدت لبلادي ..
فاذا ارغمتموني ان اعيش بسلام
عندها ..عذرا ..فاني ..
لا أوافق..
إقرأ المزيد... Résuméabuiyad

الثلاثاء، 9 أكتوبر 2012

"العبد يقرع بالعصا ..والحر تكفيه الاشاره "

"العبد يقرع بالعصا ..والحر تكفيه الاشاره "
ياخساره ..يا خساره
عشنا عشر سنين مانفهم ابد هاي الاشاره
تكسرت كل العصي بظهورنا ..
وصار واحدنا عبد عد العبيد المادروا شنهي العباره
واحنا بس نصيح عوفونا تره ما  ننتخب الا السكارى
يا خساره ..يا خساره

* * *
وياخسارتنا الشديده ..
راح تعب الناس بوله بشط تره ومحد يعيده
وكلمن يطالب حقوقه ينتهي وينّعل حتى جديده
وكلها من ايدي وايده ..
سلطينا الفاسد على رقاب العبيد
وقالوا اطلب ماتريد
واحجي كلشي تريد .. سويلك جريده
ولا تعيده ..
محد اليسمع كلام المايفيده..
تدري يا مسكين تحقيق المطالب اصبحت كلش بعيده
وحتى حرية حجي وي النفس ماكو بعد
تربعوا فوق الكراسي ..وهاي عادة من صعد
وعافوا الشعب الفقير  .. احمد يلوم بسعد
قشمرتني ..يا وليد ..وخدعتني يا رعد
صوتت لزبالة التاريخ ... ولباع البلد
وهسه هم ارجع النوب وانتخب نفس الزبالة ؟؟
هاي ماترهم ابد ..هاي ما  ترهم ابد



إقرأ المزيد... Résuméabuiyad