باسم الجابري: "جاك الطنطل ".."جاك الواوي" ..

الثلاثاء، 31 يوليو، 2012

"جاك الطنطل ".."جاك الواوي" ..






جنا زغار نخاف بسرعه ...
مانتحمل خوف وخرعه ...
واليبجي يلفخونه بصكعه ...
لا تبجي وتصرخ "علاوي" ..
جاك الطنطل ..جاك الواوي 

*******
كل يوم يقشمرنه الوالد
طنطل نازل ..طنطل صاعد
والواوي بحوش اهلك كاعد
لا تفك حلكك هص "علاوي"
جاك الطنطل ..جاك الواوي

*******
صارت بينا خلسه ورهبه
ونخاف من البيت نطبه
عفنه الطنطل هو وربه
واهلي يدرسون بعلاوي
جاك الطنطل ..جاك الواوي 

********
ومرت بينا سنين طوال
والناس تعلمت موال
من تسمع أنة اطفال
تصرخ اسكت وك "علاوي "
جاك الطنطل جاك الواوي

********
شنهو الطنطل بس فهمونه
مو صار سنين تخوفونه
كالوا ياكلكم تردونه ؟؟
هذا اخطر من الزرقاوي
جاك الطنطل جاك الواوي

********
واليوم الطنطل مسؤول
يضحك علماعدها عقول
والواوي يبوك المحصول
واحنا نهوس وي " علاوي "
عاش الطنطل .. عاش الواوي 






هناك 6 تعليقات:

  1. تصوير رائع لواقع اجتماعي - سياسي سيء

    ردحذف
  2. طلع الطنطل وي الواوي
    طلع الطنطل هو الواوي

    ردحذف
  3. صدقت يا صاحب النشر لهذه الابيات التي تحكي واقع العراقيين .

    ردحذف
  4. بارك الله بالناشر الذي يحكي واقع حالنا المرير

    ردحذف
  5. عاشت ايدك استاذ باسم ذكرتنا بايام الطنطل جنا نخاف منه واحنا ما شايفية

    ردحذف
    الردود
    1. حبيبي ابو جاسم ..هسه عرفت الطنطل منو ؟؟ طلع بوخه لا يخوف ولا شي لكن المشكلة بينا ..المهم كون نبطل نخاف من الطناطل والواوية جان صار براسنه حظ والله ..لكن للاسف لحد الان الشعب يخاف من الطنطل ومن الواوي.... تحياتي لمرمروكم الرائع

      حذف